كل سنه واحنا كلنا بخير وطيبين وربنا يعيد الشهر الكريم علينا بكل فرحه وسعاده
طبعا مش محتاجين اننا نقول ان شهر رمضان من احلي المناسبات في السنه
وسبحان الله كل ايام رمضان فيها نوع من الفرحه الربانيه ...... ولله الحمد
وياجماعه لازم نقول كمان ان رمضان بالنسبه لينا جميعا مفتاح من مفاتيح الطريق للتقرب من الله سبحانه وتعالي اكتر واكتر ...وعشان كده احب اوصيكم ونفسي بالصلاه والالتزام بها ..الصلاوات عامه وصلاه الفجر خاصه وكمان قراءه القران الكريم وضروره ختمه ولو مره واحده وخلينا دايما فاكرين(من لم يختم القران في رمضان مره واحده فقد هجره).......صدقوني لو كل واحد فينا افتكر دايما انه لو مش ختم القران في رمضان يبقي هجره ......هجره واعوذ بالله اكيد مش هيفوت يوم من ايامه الا لو ختم كل يوم علي الاقل جزء
ودلوقتي بقي انا عايزه اعمل معاكوا حاجه....
اكيد كل واحد مننا في فخياله دايما حاجه معينه بتفكره برمضان او حتي كل لما يجي رمضان يفتكرها
يعني زي حاجه هو بيحب يشتريها او حاجه بيحب يسمعها او يشوفها
يعني مثلا زي مدفع رمضان او المسحراتي اوالفوانيس او حتي فوازير رمضان والف ليله وليله او ممكن كمان تعليق الزينه في الشارع اللي انت ساكن فيه
انا بقي هبدأ الاول
انا بصراحه بحب اوي اغنيه رمضان جاناومتتصوروش الاغنيه دي انا مرتبطه بيها قد ايه و لما بسمعها في الايام اللي قبل رمضان
وفي رمضان بحس بايه ولو سمعتها حتي في اي وقت بفتكر رمضان واقول الله امتي بقي رمضان يجي
مش تنسوا بقي تقولوا انتوا كمان
وكل سنه وانتوا طيبين toty